LKALمقلقلMOKA
عدد الرسائل : 14
تاريخ التسجيل : 23/12/2008
 |  موضوع: بنات قريةال(وآآآآآآآآآوييييييي) يا أهل المدينه الحلوين  السبت يناير 03, 2009 2:41 am | |
| كان ياماكان.. في قديم الزمان ..كان فيه حلوه وأمورره وحدة وخلصت ماعاد فيه منها (اللي هي محاكيتكم أنا) وراح ابدأ بالقصة:
ياحلويييييييييين مرة من المرارييييت زرت قرية ال(وآآآآآآآآآآآآآآآوييييييييييييييييي) رايحه أزورها في الصيفية ومنها أشوف مزرعتنا المهم قابلني ثلاث خوات حليوات (قررت أحكي قصتهم بلهجتهم)(بمساعدة المترمج سيد  ) عارفة بتقولون من سيد؟ هذا ياطويلات العمر الصبي حق مزرعتنا تعلم اللهجه خلال 24 ساعة. المهم مالكم بالبترون خلونا بالتفاصيل وهالخوات الثلاث قاعدين لهم تحت شيره(شجره)االكبيرة  كشتها طايره وجبهتها كلها قمل ماغير تحكحك والعجيب (يد تحك بها ويد تكتبها)واختها الوسطى  متربعه جنب قملها تقصع فيه والعجيب(يد تقصع بها ويد تكتبها) والا أختهم الصغيرورة  شكلها دنجااااره ومع كذا (يد تنقب بها ويد تكتبها)وأنا واقفه وماأحد يمي(منتبه) مستغربه كيف يعرفون يكتبون؟؟؟ المهم سلمت عليهم ماهم فاضين يردون عليه (طبعا اللي تكتب واللي تحك واللي.........يع كل ماأذكر يجيني جداد(حموضيه) التفت يمين .. التفت يسار .. أدور أحد أسأله عن العجب العجاب اللي أشوفه؟؟ إلا وذيك  جايه من بعيد ومعها عنز وتيس (أبوها ضعيف على قد حاله) يوم شفتها من بعيد كأني عرفتها يوم قربت شوي.. شوي..الا والله انها هي .. من هي ؟ هذي ياحلوين بنت كانت عندنا في المدينة , وحيدة أمها وكانت من كثر الدلع والاهتمام(حذاها(جزمتها) دايم في رجولها ماتطلعها)قلت:يافلانه .... يوم زحلطن نظري تحت (طبعا على كراعينها(رجولها)الا وهي حافية ومتصدعه قلت وش اللي حذفك في ذا؟ قالت: ابوي قدر الله علااااااااه (قلت:حتى علاه تعلمتيها) قالت: الله الله..ها ثم أحالوه على التقاعد وقرر يجيبنا عند أخواني هنيه (هنا) (قلت:حتى هنيه تعلمتيها )قالت: الله الله ..وماكملت الهرجه الا وهذيك الطويله  (DDA) اللي جايه طاايره من بعيد مصفيه الطبلون ورجلينها تخبط في ظهرها بغت تشيلنا معها انا وفلانه والحلوين الثلاثه (ماردها الا هاك القشعه وربكم ستر)(تصدقون ماكأن شي صار مازالووووووووووا يكتبون ) قلت يافلانه: بسألك سؤالين محيرتني  من أول ماطبيت(نزلت) هالقريه؟ أول هام:من هذي الطويلة ؟؟قالت :هذي أختي قلت اش فيها مطيره ؟ قالت :جايه تشوف تراني منتبهه للغنم(العنز والتيس) والا ضيعتها بيني وبينك حرووووووووش (فتانه) هذي هوايتها من يوم تصبح لين تمسي. قلت:ثاني هام:هالحلوات اش يكتبون من يوم جيت وهم يكتبون , حتى الدنجاره الصغيره لاقطه المرسمه وتكتب ؟ قالت: هذلي (بشد اللام) حكايتهم حكايه أبوهم حالف علااااااهم (عليهم) كل وحده فيهم تكتب (1000) مثل أو حكمه لأنه كل آخر شهر ينزل المدينه ويبيع من هالأمثال ( ويجيب حق الشهر) وياويلهم لو ماينجزون !!!!!!!!!المطرق (العصا) في انتظارهم , شوي الا نسمع هذاك الصوت ؟ ايه والله صوت صيااااح يوم دققنا النظر الا والله ان الأخت الوسطى تذبح(تضرب)في الدنجاااااره (مع انها دنجااااااااره الا انها تجيب الأمثال بالكيلو ) قلت ليه ماهو حرااااااام عليك تضربينها قالت : كذبت عليه قالت لي اتسلى معك في قصع القمل واعطيك مثل وضحكت عليه , وصالحنا بينهم انا وفلانه(ورجعوا يكتبون ) , وانا ماشيه مع فلانه الا ذيك الدبيبه الدهدوله  جايه تهاوش (طبعا تهاوش ليل الليل وليل النهار) قلت وهذي اش قصتها ؟ قالت : هذي تحب (عطر مناديل) قلت : من هو!!!!!!!!! الصغيره هذي ؟ قالت : لا يروح فكرك بعيد , مره من المراريت (أحد المرات) نزل أبوها المدينه يبيع البااااااااظ(بيض) اللي يجمعونه له خواته (وهذولي قصتهم قصه) المهم ان ابوها تغدا في مطعم وأعطوه بعد ماغسل يدينه(مناديل معطره) المهم انه يحسبها حلاوه دسها (خباها) لبنته وكل يوم تضيعها وتجي تهاوشنا تحسبنا سرقناها والله يعين على البحث مره نلقاها في عردتها(شعرها) مره لاصقه في ثوبها وهلم جرا .....!!قلت : اش قصت اللي يجمعون البااااظ لاخوهم , قالت : البااااااااظ طبعا لأهل القريه كلهم وهالثلاث    بنات هم أصغر أخواتهم وهم المسؤلييين عن تجميع الباااظ , فيجمعون لأخوهم والباقي ياكلونه طايحين فيه ماتشوفين جغودهم(خدودهم) بتنفقع (طبعا من الباظ) واذا قلنا أعطونا معكم يقولون خلص ..قلت وينهم أبا(أبغى) أشوفهم قامت صفرررررررت (بشد الفاء) لهم الا يوم ظهروا علانا(علينا) من عشت الدجاج , والله انها صادقه شدوقهم(حولين الفم) كلها باااظ ,قلت الله يعينكم (وصي عليهم اختك الحروش )تبلغ عمدة القريه يشوف معهم حل .؟؟؟ قالت :وأزيدك من الشعر بيت أكبرهم جوزوها واحد من المدينه وجابت بنت   (تحب البيض مثلهم ) يوم طالعنا في العشه الا هذيك الصغيره اللي متربعه تفقع في البيض وتاكله ني (غير ناضج) لكن باين عليها من عيونها فيها  حنكة أهل المدينه لأنها أكلت البيض عن أمها وخالاتها(كل قوي يجي أقوى منه).........!! قالت : والله انك جبتيها مالي الا أختي الحروووووووش تحلها , وحلفتني كل سنه أزورهم تقول ردت فيه الروح (روح المدينه) وقامت تهيض وتقول شعر ومنه:
 روح روح روح روحي ............. ياعايش جوات روحي ..
| |
|
مشروع طقاقة
حكومتنا @_@
عدد الرسائل : 28
تاريخ التسجيل : 01/09/2008
| | موضوع: رد: بنات قريةال(وآآآآآآآآآوييييييي) يا أهل المدينه الحلوين الثلاثاء يناير 06, 2009 6:26 pm | |
| | |
|
$_الدنجااارهـ_$
مشرفة منتدى الدجة والفلة
عدد الرسائل : 72
تاريخ التسجيل : 22/08/2008
| | موضوع: رد: بنات قريةال(وآآآآآآآآآوييييييي) يا أهل المدينه الحلوين الثلاثاء يناير 06, 2009 9:31 pm | |
| | |
|
LKALمقلقلMOKA
عدد الرسائل : 14
تاريخ التسجيل : 23/12/2008
| | موضوع: احم احم مقلقل يحيي الدنجوووووووووره ويقول............؟؟ الجمعة يناير 09, 2009 1:39 am | |
| | |
|
$_الدنجااارهـ_$
مشرفة منتدى الدجة والفلة
عدد الرسائل : 72
تاريخ التسجيل : 22/08/2008
| |
شعورنا فيها قمل..صح
